Këto ditë, ne shpesh jemi dëshmitarë të shumë dezinformatave të shpërndara përmes mediave sociale. Ata përshkruajnë një operacion të fshehtë për të instaluar antena 5G, gjatë aktiviteteve që merren me qëllim të parandalimit të përhapjes së koronavirusit. Kjo nuk është e vërtetë. Nuk ekziston skenar për vendosje të fshehtë të rrjetit 5G në Maqedoninë e Veriut.

Në aksionin e fundit të dezinformimit, theksohet se situata me koronavirusin është duke u përdorur për të vendosur rrjetin 5G. Narracioni i aksionit të rrejshëm për antenat 5G të vendosura është mbështetur nga fotot e postuara nga individë në grupe të rrjeteve sociale.

Burim: Facebook.

Përmes rrjeteve sociale, shkruhet se antenat 5G janë instaluar në fshehtësi në disa vende, dhe që kjo të realizohet përdoret ora e policisë.

Rregullatori që do të implementojë instalimin e rrjetit 5G në Maqedoninë e Veriut është Agjencia për Komunikime Elektronike. Askush nuk mund të ndërmarrë aktivitet individual pa pëlqimin e AKE.

Plani kombëtar operacional i Broadband për qasje në shërbime më të shpejta dhe më të mira në internet në përputhje me standardet e BE u miratua në një seancë qeveritare në vitin 2019. Sipas planit, deri në fund të vitit 2023, të paktën një qytet do të mbulohet nga sinjali 5G, dhe deri në fund të vitit 2025 korridoret kryesore në përputhje me marrëveshjen për krijimin e një komuniteti transporti në rrjetin kryesor dhe gjithëpërfshirës rrugor në vend do të duhet të jenë i mbuluar me sinjal 5G të pandërprerë.

Në Planin kombëtar operacional të Broadband planifikohet se deri në fund të vitit 2027 të gjitha qytetet në vend do të mbulohen nga një sinjal i pandërprerë 5G dhe se deri në fund të vitit 2029 çdo qytetar i vendit tonë do të ketë mundësinë për të hyrë në Internet përmes 5G me një shpejtësi minimale të qasjes në internet prej së paku 100 Mbps.

Në periudhën e kaluar, agjensia AKE kreu matje të rrezatimit jo-jonizues, për të parë kontributin e teknologjisë së re 5G HP nga test rrjeti i Telekomit të Maqedonisë. Gjatë matjeve, dy stacione ishin aktive, njëra nga ndërtesa e Telekomit të Maqedonisë, dhe tjetra nga ndërtesa e Fabrika e duhanit në Qendër. Pika matëse ishte para ndërtesës së AKE në 160 metra nga stacioni i parë bazë. Rezultatet e hulumtimit të kryer, AKE i publikoi me 18.12.2019 dhe janë në dispozicion në këtë vegëz.

“Nuk ka hapësirë për shqetësim në lidhje me efektet e dëmshme nga rrezatimi i teknologjive të reja në komunikimet elektronike, si dhe aplikimin e ardhshëm të teknologjisë 5G”, tha për mediat Sasho Dimitrijoski, drejtor i Agjencisë për Komunikime Elektronike-AKE, gjatë prezantimit të rezultateve të hulumtimit.

Vendosja e antenave 5G nuk mund të bëhet në fshehtësi. Në mënyrë që të realizohet, AKE duhet të shpallë tender.

Sipas informacioneve, AKE do të shpallë tenderët për spektrat 5G deri në fund të vitit. Në ndërkohë, deri më 20 prill është zgjatur afati për dorëzimin e mendimeve dhe vërejtjeve deri te AKE nga palët e interesuara për lëshimin e aprovimeve për përdorimin e radio frekuencave për teknologjinë 5G. Prolongimi i afatit sipas AKE është bërë për shkak të kërkesave të paraqitura për zgjatje nga dy operatorët mobil. Telekomi i Maqedonisë ka kërkuar një afat të zgjatur për mendim dhe vërejtje deri më 15 prill, ndërsa A1 Maqedoni, nga ana tjetër, deri më 20 prill.

logo

FINANCOHET NGA

sponsor

Ky projekt u financua pjesërisht përmes një granti të Ambasadës së SHBA. Mendimet, gjetjet dhe përfundimet ose rekomandimet e shprehura këtu janë të zbatuesve/autorëve dhe nuk pasqyrojnë domosdoshmërisht ato të Qeverisë së SHBA.

PARTNERËT

sponsor
© 2023 F2N2.