(Reuters) – Këshilltarët e jashtëm të Administratës Amerikane të Ushqimit dhe Barnave në panelin e të enjtes 10.12.2020 votuan me shumicë dërrmuese për aprovimin e përdorimit urgjent të vaksinës së Pfizer kundër koronavirusit, duke hapur rrugën që agjencia të miratojë imunizimin e kombit që deri më tani ka humbur më shumë se 285.000 jetë nga KOVID-19.
Pritet që FDA të miratojë përdorim për raste emergjente shumë shpejt. Pas vendimit për miratim do të vijojë shpërndarja në të gjithë SHBA.
Komiteti votoi 17-4 për përfitimet e njohura të vaksinës, të cilat tejkalojnë rreziqet tek personat nga 16 vjeç dhe më të rriturit. Një anëtar i komisionit abstenoi.
Pfizer ka kërkuar që vaksina me dy doza të aprovohet për përdorim tek njerëzit e moshës nga 16 deri 85 vjeç. Disa anëtarë të panelit këshillimor diskutuan nëse fëmijët e moshës 16 dhe 17 vjeç duhet të përfshihen në rekomandim. Në fund, ata votuan për pyetjen e bërë nga FDA, e cila përfshin njerëz të moshës 16 deri në 17 vjeç.
Në panel, sipas FDA, u theksua se nuk kishte të dhëna të mjaftueshme për të mbështetur ose kundërshtuar përdorimin e vaksinës tek gratë shtatzëna. Agjencia rekomandon që gratë shtatzane të marrin vendimin vetë në koordinim me mjekët e tyre.
Burim: Reuters
FINANCOHET NGA
Ky projekt u financua pjesërisht përmes një granti të Ambasadës së SHBA. Mendimet, gjetjet dhe përfundimet ose rekomandimet e shprehura këtu janë të zbatuesve/autorëve dhe nuk pasqyrojnë domosdoshmërisht ato të Qeverisë së SHBA.
PARTNERËT
