Порталот Инфомакс објави текст во кој што тврди дека Владата сеуште не го затворила аеродромот во Скопје бидејќи заборавила да ја објави одлуката донесена на вчерашната седница (одржана на 16.03.2020) во Службен Весник. Се вели дека аеродромот е сеуште отворен, а ќе имало патници до утре вечер (18.03.2020).
Само еден збор, напишан во погрешен контекст во овој текст е вистинит. А тоа е дека аеродромот ќе работи до утре вечер (18.03.2020), до полноќ, кога ќе се навршуваат 48 часа предвидени според сите меѓународни протоколи за најава за затворање на аеродромите. Ова министерот Венко Филипче го најави вчера во 21 часот, а одлуката беше објавена во Службен весник.
Според сите овие факти може да заклучиме дека Владата донела одлука на 16.03.2020 и истиот ден одлуката ја објавила во Службен весник, со што се демантира дезинформација објавена следниот ден на порталот Инфомакс.Веќе и од аеродромот ТАВ во Скопје постави информација дека аеродромот ќе работи до утре (18.03.2020) на полноќ.
Северна Македонија не е исклучок со ваквото постапување. Веќе има примери на меѓународно ниво за затворање на аеродромите по претходна најава од 48 часа. Соединетите Американски Држави, Германија, Канада (само еден од вкупно 4 аеродроми е отворен), Норвешка, Данска, Полска, Украина се само дел од земјите што ги следеа меѓународните протоколи кои што се однесуваат за најавата од 48 часа за затворање на аеродром.
