Оригинален наслов: ИСТОРИЈАТА НА ЕДНО ДРВО ВО СКОПЈЕ
На 22 април 2019 на социјалните мрежи во Северна Македонија, започна да се споделува колаж од фотографии. На фотографиите е прикажан изгледот на едно дрво во неколку годишни времиња, а финалната слика со која завршува мозаикот, е слика на која на местото на дрвото, се вршат градежни активности. Информацијата која се споделува на социјалните мрежи наведува дека е случка од Скопје.Оваа вест беше објавена и на Republika.mk.
Линк до архивираната оригинална статија тука.
Приказната која се споделува и коментира, не е од Скопје. Во самите коментари на постот може да се најдат реакции за истата приказна објавена на Твитер на турски јазик на 31 август 2018. Но истиот твит е споделен и на 14 јули 2018. F2N2 истражуваше и успеа да го пронајде првично споделениот твит на 29 март 2018.И покрај добрата намера да се подигне свеста за Денот на планетата Земја и заштитата на животната средина, сепак мора да се внимава граѓаните правилно да бидат информирани.
