НУКЛЕАРНО ЦУНАМИ: МИТ ИЛИ РЕАЛНОСТ?

Нуклеарното цунами е МИТ! Сепак, нуклеарниот дрон во форма на гигантско торпедо би преставувале огромна опасност за непријателските воени пристаништа и подморници, поради способноста да навлезат длабоко во непријателската територија или да се доближат до непријателските подморници незабележително. Во зависност од јачината на нуклеарната боева глава, дури и при експлозија на нуклеарното дрон-торпедо на одредена оддалеченост од подморницата, би можело да предизвика сериозни оштетувања на непријателските подморници.

Идејата за супермоќно нуклеарно торпедо потекнува од познатиот нуклеарен физичар Андреј Сахаров , кој исто така одигра клучна улога во градењето на најголемата нуклеарна бомба што некогаш била направена – т.н. „Цар бомба“;

Рускиот претседател Владимир Путин, при неговото годишно обраќање пред Думата, изјави дека 300 нови модели на оружја (300 new models of weaponry), вклучувајќи 18 нови ИКБР (интерконтинентални балистички ракети), 2 подморнички балистички ракети и подводни дронови ќе ги зголемат одбранбените способности на Руската Федерација во наредните години;

Подводните дронови вооружени со нуклеарни боеви глави се сѐ уште во фаза на прототип, а системот за нуклеарен погон не бил тестиран;

Според стандардната формула, силата на земјотресот со јачина од 9.0 степени е еквивалентна на 32 Mt термонуклеарна бомба, или за споредба, бомба од 2Mt е 16,6 пати послаба од земјотресот со јачина од 9.0 степени;

Земјотресот во Тохоку, регистриран во близина на источниот брег на Хоншу (Јапонија) во 2011 година, беше со јачина од п. 1 степени и ослободи енергија еквивалентна на 9,3 милиони мегатони ТНТ енергија . Така, ако ја пресметаме енергијата што може да се ослободи, бомба од 2Mt е 4,6 милиони послаба од земјотресот во Тохоку во 2011 година што предизвика разорни бранови од цунами;

Дури и најголемата нуклеарна бомба што некогаш била тестирана, советската „Цар Бомба“ од 58Mt (тестирана на 30 октомври 1961 година), е речиси 162.000 пати послаба од цунамито во Тохоку од 2011 година.