Последниве денови низ социјалните мрежи се појави видео како две жени полнат кутии во гласачко место. Одредени фејсбук страници и индивидуални профили го споделуваат со напомена дека видео материјалот е од парламентарните избори на 15 јули во Кичево, што е апсолутна невистина.

Имено, видеото е снимено во Русија и е објавено на Youtube пред 6 години. Во меѓувреме било користено неколку пати за манипулација. Се појавува на Youtube во 2016-та година, а во текстот се дава контекст дека видеото е од изборите во САД и дека полнењето кутии е дело на демократите, иако во дел од видеото јасно се гледа руско знаме на избирачкото место.

Инаку не е прв пат ова видео да се појави во контекст на изборите во Северна Македонија. Забележано е и на 6ти мај 2019та година, ден после вториот круг на Претседателските избори, на фејсбук профил наречен „Македонска дијаспора“.

Уште еден обид со руски материјал да се поткопа довербата во изборниот процес.

logo

ФИНАНСИРАНО ОД

sponsor

Овој проект е делумно поддржан од Амбасадата на САД. Мислењата, откритијата и заклучоците, или препораките изнесени овде се на имплементаторот(ите)/авторот(ите), и не ги одразуваат оние на Владата на САД

ПАРТНЕРСТВО

sponsor
© 2023 F2N2.