Андреј Родионов претставува пример за државно спонзориран “Граѓански активист и Руски националист“ кој крстари по регионот на Западен Балкан во последната декада при што активно поттикнува меѓуетничка нетолеранција, страв и омраза помеѓу граѓаните во регионот. Неговите врски со ултра националистички и радикални движења и политички партии во Западен Балкан, како и неговата работа претставуваат поддршка за Руските интереси и стратегија во регионот.
На 17 јануари, РИА Новости објави статија за доброволци од Европа во рускиот баталјон Судоплатов во регионот Запорожје. Истиот ден, македонскиот проруски инфлуенсер Миленко Неделковски го објави видеото од статијата на својот фејсбук-профил, велејќи дека доброволци од Северна Македонија, Полска и други земји се подготвени да се приклучат на баталјонот. Истиот ден, статијата на РИА ја објави и анонимниот портал 24pressnews.com, ставајќи акцент на српските доброволци во баталјонот. На 4 февруари, двајца српски доброволци беа интервјуирани на каналот на јутјуб „Праве вести“. Интервјуто го пренесе порталот skopje1.mk.
Во двете видеа се појавува Андреј Родионов, основач и претседател на руското здружение „Руско-словенско обединување и преродба (РУСОВ)“ и промотор на словенското обединување под руско водство. Тоа се гледа и во интервјуто на „Праве вести“, каде што тој вели дека сите доброволци имале една цел, „обединување на сите Словени околу Русија“, а додава дека Русија како мајка ги обединувала сите словенски народи.
Покрај неговите активности во привремено окупираниот Крим, тој исто така е одговорен и за мобилизација и пристапување до претежно српските националистички движења низ целиот Балкан, а во последниот период неговите активности на Балканот се спојуваат со оние на Вагнер.
FN веќе пишуваше за Родионов уште во 2020 година, откривајќи ги неговите директни врски со Кремљ. Тој ја има посетено Северна Македонија неколку пати во минатото и промовира штетни и раздорни антизападни и проруски наративи. Мрежата на Родионов во Северна Македонија е разновидна и се состои од екстремно десничарски проруски политички партии, здруженија и националисти кои го промовираат движењето „Бојкотирам“. Во текот на 2018 година, тој ја изразуваше поддршката на идејата за македонска и руска унија против ЕУ и НАТО, а самиот статус е со елементи на тролање и неавтентично однесување. Тој беше во земјава во јуни 2018 година, истиот месец кога беше потпишан Договорот од Преспа, а исто така и за време на референдумот одржан во септември 2018 година, по што го коментираше следново: „Браќа Македонци, неодамна направивме добра работа во Македонија за доброто на руско-словенското единство“.
Во рамките на Руската агресија врз Украина, Родионов се појавува како многу вешт при валоризацијата на својата претходна работа во регионот на Западен Балкан, преку регрутација на волонтери од овој регион како борци на страната на Руските агресорски сили. Неодамна, Родионов на својот Телеграм профил ќе напише:
“Следната година во Српски Призрен и Руски Киев!“
Андреј Родионов
Фактите презентирани во оваа анализа, претставуваат сериозна основа Родионов да биде презентиран како пример за 'Штетно влијание од страна на Русија во Северна Македонија и во регионот'.
Фото галиеријата подоле дава преглед на однапред одбрани активности на Андреј Родионов во регионот на Западен Балкан и на фронтот во Источна Украина како дел од Руските агресорски сили.
Со кликање на сликите подолу ќе можете да го видите прегледот:
Косовска Митровица, Северно Косово, март 2017
Како дел од неговите активности во регионот, Родионов во изминатите години на повеќе наврати ги посетил Северна Македонија, Србија, Северно Косово и Република Српска. Извор: Фејсбук
Рашка, Србија, март 2017
Во истиот период, Родионов објавува фотографија од Рашка, близу Српско-Косовската граница. Извор: Фејсбук
Белград, Србија, април 2019
Слика од средба со Дејан Златанович - https://srbin.info. Покрај возвишувањето, Родионов ги дефинира браќата Златоновиќ (на сликата) како “добри луѓе, вистински десно-ориентирани Српски патриоти.“ Srbin.info е мапиран како екстремистички десничарски портал во Србија, од страна на Atlantic Initiative. Извор: Фејбук
Северна Македонија, јуни 2018
Оваа фотографија е дел од негова Фејсбук објава во која изразува поддршка кон македонскиот народ во неговата “борба против НАТО и ЕУ“. Ова е дел од неговата анти-Западна и про-Руска реторика. Извор: Фејсбук
Битола, Северна Македонија, октомври 2018
Неговите врски со Руската држава може да се посведочат преку неговата посета на Рускиот конзулат во Битола во Октомври 2018 година. Таму, Родионов одржал состанок со претставникот на 'Македонските козаци' кој е наводен организатор на локалното козачко движење кое го следи моделот на Големата Козачка армија од Дон. Состанокот според објавата е одржан во просториите на Рускиот конзулат во Битола. Извор: Фејсбук
Скопје, Северна Македонија, јуни 2019
Неговите посети не ја заобиколуваат Северна Македонија. Знамето на Вергина и споменикот на Филип (таткото на Александар) исто така имаат значење. Извор: Фејсбук
Скопје, Сееврна Македонија, ноември 2020
Активно работи на промоција на радикални и илиберални гледишта во регионот. Неговата мрежа од про-Руски и анти-Западни структури во Северна Македонија и во регионот се поддршка на неговите и целите на Кремљ. Извор: Фејсбук
Борец во Источна Украина, батаљон Судоплатов, октомври 2022
Јавно обзнанување на блиската соработка помеѓу Вагнер и РУСОВ, фотографијата е превземена од Телеграм каналот на Родионов. Извор: Телеграм
Амблемите на Вагнер и РУСОВ, декември 2022
Слика од амблемите на Вагнер и РУСОВ објавена на Телеграм каналот на Родионов. Извор: Телеграм
Промоција на Вагнер, јануари 2023
Понуда за поддршката од Вагнер за косовските Срби, во врска со зголемените тензии помеѓу Србија и Косово. Превод на објавата од Телеграм каналот: “Српските власти се против доаѓањето на борците на Вагнер во Србија. Ок, јас разбирам зошто тоа го вели Претседателот Вучиќ. Можете ли да ги ослободите Косово и Метохија сами? Со Албаниците, се разбира дека ќе го решите проблемот за една недела. А што е со КФОР и НАТО? Злобните Руси со нетпрение чекаат покана. Јавете ни се и ние ќе дојдеме. Следната година во српски Призрен и руски Киев!“. Извор: Телеграм
