Обидите шпекулации да прераснат во дезинформативен наратив не престануваат По објавувањето на статијата: ИСТ ТЕКСТ СО ЧЕТИРИ РАЗЛИЧНИ НАСЛОВИ ОБЈАВЕН ВО 24 ЧАСА СТАНУВА (ДЕЗИНФОРМАТИВЕН) НАРАТИВ, тимот на F2N2 реши да оди чекор понатаму и да спроведе подетално истражување.Во продолжение Ви ги презентираме наодите.Изјавата на претседателот на ВМРО-ДПМНЕ, Христијан Мицкоски во емисијата “Топ Тема” на телевизија Телма е уште еден доказ за брзо ширење на дезинформација нa социјалните мрежи со голем опсег и влијание врз граѓаните, особено кога изворот е официјално лице. Согласно направената анализа на нашиот тим, повторно можеме да заклучиме дека медиумите и оваа вест ја пренесуваа без извршена проверка на нејзината вистинитост и без да биде прашана и втората страна.Веста дека можеби постои средба и договор помеѓу Зоран Заев и ДУИ за политичко редефинирање на државата и исцртување на нови граници беше објавена на 16 портали. Преку социјалните мрежи истата е пренесена од 35 фејсбук/твитер страни/профили. На графиконот што следи може да се увиди вкупниот број на следбеници на фејсбук профилите кои ја споделиле веста од секој од порталите.
Портал кој има најмногу споделувања на социјалните мрежи и портал со најголем можен опсег на читатели според бројот на следбеници на фејсбук страните на кои е споделена оваа вестПортал кој има најмногу споделувања на социјалните мрежи, а истовремено е и со најголем можен опсег на читатели според бројот на следбеници на фејсбук страните на кои е споделена оваа вест е порталот kurir.mk. Направената анализа покажува дека веста од kurir.mk е споделена на 8 фејсбук страни со вкупно 978 427 следбеници. Потенцијалниот број на следбеници/корисници до кои стигнала веста се движи од 19 568 до 63 597 следбеници.Забелешка: На сликата е презентиран различен број на следбеници во споредба со табелата погоре, односно 985 340. Ова е само доказ дека постојат затворени профили кои ја споделуваат веста, а кои софтверот не ги обработува поради правилата за заштита на приватноста.(Ве молиме погледнете ја забелешката на крајот од текстот за алгоритамот на Фејсбук за пресметка на опсегот)
При анализата, забележано е дека сите портали имаат различен начин на споделување на веста. Порталот javno.mk ја објавил веста 4 пати со различни наслови, а пак некои портали ја објавиле со 2 различни наслови. Симтоматично за kurir.mk e тоа што споделувањето на оваа вест е оркестрирано/автоматизирано, односно споделена е на 8 фејсбук групи во исто време на 11 Јуни во 12:03 часот.
Портал со најголем број на интеракции од споделувања на социјални мрежиВеста најмногу интеракции предизвика со објавата од порталот vmro-dpmne.org.mk. Бројот на интеракции изнесува 514, а вкупниот број на следбеници на фејсбук/твитер профилите на кои е споделена оваа вест е 179 001. Потенцијалниот број на следбеници/корисници до кои стигнала веста се движи од 3 580 до 11 635.(Ве молиме погледнете ја забелешката на крајот од текстот за алгоритамот на Фејсбук за пресметка на опсегот)
Приказ како се ширела веста од медиумите преку социјалените мрежи.
Забелешка: Алгоритамот на Фејсбук односно истражувањата поврзани со Опсегот (Organic reach) покажуваат проценти од 2% (за групи поголеми од 500.000 следбеници до 6.5% за групи со помалку од 500.000 следбеници). За потребите на оваа анализа земен е опсегот од 2% до 6.5%. Со оглед на популарноста на Фејсбук во Република Северна Македонија како и бројот на профили регистрирани на оваа Социјална мрежа, може да се потврди дека горенаведениот процент е многу поблизок до 6.5% отколку до минимумот од 2%.За утврдувањето на опсегот е користена алатката CrowdTangle.
